Diajar bahasa Sunda Undak-Usuk Basa Mimitian ti Abjad A

Basa Teh cicirén bangsa, cirina leungit bangsa na leungit, kuring kapikiran dina kondisi atau fenomena ayeuna dimana urang Sunda era make basa sunda sabab sieun salah oge sieun teu sopan. Emang, rasa kasieun teh alus sabab geus nunjukeun yén manehna sadar lamun ngomong basa Sunda teh lamun ka kolot atau kasaluruheun, kabarengan, ka sahandapeun aya aturanna lamun teu diterapkeun sarua jeung teu saluyu jeung sopan santun dina kahirupan sapopoe. Ngan Anu salah didieu lamun urang sieun salah, kalah tuluy make basa sejen sabab era sieun salah lamun make basa Sunda, oge sieun teu sopan.

Kabeh jelema ge hirup gubrag kadunya teh teu langsung bisa, da eweuh caritana jelema gubrag kadunya langsung bisa ngomong basa Sunda. tong boro ngomong basa Sunda ku ngomongna hungkul oge pasti di ajar.

Kukituna simkuring didieu rek ngabagikeun informasi ngenaan undak-usuk basa (ragam basa: Basa Loma jeung basa Lemes). Tujuanna ngarah urang salaku urang sunda minimalna apal undak-usuk basa, oge  apal basa Sunda nu lemes keur ka sorangan jeung kabatur.

UNDAK USUK BASA

(RAGAM BASA: BASA LOMA JEUNG BASA LEMES)

No.	Basa Loma	Basa Lemes (Keur Ka Sorangan)	Basa lemes (Keur Ka Batur)
1.	abus, asup	lebet	lebet
2.	acan, tacan encan	teu acan	teu acan
3.	Adi	adi	rai, rayi
4.	Adu	adu	aben
5.	Ais	ais	emban
6.	ajang, keur pikeun	kanggo	haturan
7.	Ajar	ajar	wulang
8.	aji, ngaji	ngaji	ngaos
9.	Akang	akang	engkang
10.	Aki	pun aki	tuang eyang
11.	aku, ngaku	aku, ngaku	angken, nganken
12.	Ali	ali	cingcin,lelepen
13.	Alo	pun alo	kapiputra
14.	Alus	sae	sae
15.	ambeh, supaya, sangkan	supados	supados
16	Ambek	ambek	bendu, wera
17	ambeu, ngambeu	ngambeu	ngambung
18	amit, amitan	permios	permios
19	Anak	pun anak	putra, tuang putra
20	Anggel	bantal	bantal, kajang mastaka
21	anggeus, enggeus	Rengse	parantos
22	angir, diangir	dikuramas	dikujamas
23	anjang, nganjang	ngadeuheus	natamu
24	Antara	Antara	antawis
25	anteur, nganteur	jajap, ngajajapkeun	nyarengan
26	anti, nganti, dago, ngadagoan	ngantosan	ngantosan
27	arang, langka	awis-awis	awis-awis
28	Arek	bade, seja	bade, seja
29	arep, ngarep-ngarep	ngajeng-ngajeng	ngajeng-ngajeng
30	Ari	Dupi	dupi
31	asa, rarasaan	raraosan	raraosan
32	Asal	Kawit	kawit
33	aso,ngaso	Ngaso	leleson
34	Astana	pasarean	pajaratan
36	Atawa	atanapi	atanapi
37	ati-ati, kade	ati-ati	atos-atos
38	atoh, bungah	Bingah	bingah
39	Awak	Awak	salira
40	Awewe	Awewe	istri

Sumber: Hadi (2009, hlm 12-13)

                Artikel mimiti ieu simkuring ngaposting undak-usuk basa mimiti ti abjad A, keur kapayunna bakal aya deui ti abjad B jeung abjad nu lainna. Mangga kanu bade komentar sareng aya saran nu lian tiasa ditulis dikomentar dihandap.. Hatur nuhun..

Sampurasun....

Sumber :

Hadi, Ahmad dkk. (2009). Peperenian (kandaga, Unak-anik, Tutungkusan jeung rusiah basa Sunda). Bandung: Geger Sunten

Hatur nuhun parantos maca postingan blog Literasi Rakyat, mangga pencet tombol follow sangkan apal pemberitahuan terbaru ti blog Literasi Rakyat...